புதியதாக Bajaj Pulsar 220 cc வாங்கிய மமதையில் இருந்த நண்பன் ஒருவன் நேரிட்ட கோர சம்பவத்தை தான் இங்கு இந்த இடுகையில் செதுக்கி உள்ளேன். இவன் தனது வாகனத்தின் சாவியை நுழைத்து வண்டியின் என்ஜின் சத்தம் கேட்டதும், மனதில் R1 Racer திரு. Valentino Rossi என்ற நினைப்பு வந்துவிடும். ஆனால் இவனுக்கு ஒரு மிதிவண்டியை கூட ஒழுங்காக மிதிக்க தெரியாது என்பதுதான் உண்மை. தாடையின் ஓரத்தில் சிறிதளவு ரோமங்கள் எட்டி பார்க்கும் இவனுக்கு French Beard (அதாவது ஆட்டு தாடி) வைக்க வேண்டும் என்று நீண்ட நாள் ஆசை. அதற்காகவே முகத்தில் தாடையின் ஓரத்தில் ஒட்டிகொண்டிருக்கும் முடிகளை சீராக ஒருங்கிணைத்து வைத்து சுற்றி திரிந்துகொண்டிருந்தான். இன்று அந்த ஆட்டு தாடி ஆசையின் மேல் விழுந்தது ஒரு 6000watts இடி.
மதியம் சுமார் 1:30 மணியளவில், வயிற்று பசி வாட்டி எடுக்க, கடகடவென அலுவலகத்தில் இருந்து வீட்டிற்க்கு கிளம்பினான் தனது வண்டியின் உதவியுடன். பசி மயக்கம் கண்ணை மறைக்க ஆரம்பித்த நிலையில், வாகனத்தின் வேகத்தை அதிகபடுத்தினான். திடீரென்று வண்டியின் வேகம் குறைந்தது. Traffic Signal!. பச்சை விளக்கு எறிந்தவுடன் மின்னல் வேகத்தில் செயல் பட்ட அவன், தனக்கு முன்னால் சென்றுகொண்டிருக்கும் வாகனத்தின் மேல் சனி பகவான் உட்கார்ந்து சவுக்கை ஆட்டி சவாரி செய்வதை கவனிக்கவில்லை. திடீரென்று தனக்கு முன்னால் சென்று கொண்டிருக்கும் வாகனம் நிற்க, பின்னால் வந்த இவன் தனது வேகத்தை கட்டுபடுத்த முடியாமல், அந்த நின்ற வாகனத்தின் அடியில் தனது வண்டியை park செய்துவிட்டான். எழுந்து நின்று, அருகில் இருக்கும் வாகனம் ஒன்றின் கண்ணாடியில் தனது முகத்தை பார்க்க........ ஓஓஓஓஓஓஓஓ வென ஒப்பாரி வைக்க ஆரம்பித்துவிட்டான். காரணம் அவன் முகத்திலோ, உடம்பிலோ எங்கும் அடிபடவில்லை. போய் விழுந்த வேகத்தில் கிழிந்தது அவனது தாடை மட்டுமே. நல்ல வேளையாக Helmet அணிந்திருந்ததால், தலை தப்பியது.
இதன் மூலம் நான் கற்ற பாடம்:
சர்ர்ர்ர்ர்ர்ர்............. என சென்றால் சறுக்கி விடும்.
